Lyrics of Le radici ca tieni by Sud Sound System
chorus
Se nu te scierri mai delle radici ca tieni
Rispetti puru quiddre delli paisi lontani!
Se nu te scierri mai de du ede ca ieni
Dai chiu valore alla cultura ca tieni!
Simu salentini dellu munnu cittadini,
Radicati alli messapi cu li greci e bizantini,
Uniti intra stu stile osce cu li giammaicani,
Dimme mo de du ede ca sta bieni!
verse
Egnu dellu salentu e quannu mpunnu parlu dialettu
E nu mbede filu no Ca l'italianu nu lu sacciu
Ca se me mintu cu riflettu parlu lu jamaicanu strittu
Perche l'importante e cu sai nu pocu de tuttu
Anche se de tuttu a fiate me ne futtu
Ma se na cosa me interessa su capace puru me fissu
Se ete quiddhru ca oiu fazzu me mintu ddhrai e fazzu cè pozzu
Perche addrhu bessere ieu ca decidu te mie stessu
Ca la vera cultura è cu sai vivere
Cu biessi testu ma sempre sensibile
Puru ca la vita ete dura è meiu sai amare
Puru quannu te pare ca ete impossibile.
verse
Me la difendu, la tegnu stritta cullu core
La cultura mia rappresenta quiddru ca é statau e ca ha benire
Intra stu munnu, a du nu tene chiui valore
Ci parla diversu o de diversu ede culure!
Te ne leanu tuttu puru la voglia de amare,
Cussi ca tanta gente a pacciu modu stae a regire!
Te ne leanu tuttu puru le ricchie pe sentire,
Ci chiange e chiede aiutu pe li torti ca stae a subire
Te ne leanu puru la terra de sutta li piedi,
Se cattanu tuttu quiddru a cui tie nci tieni
Me dispiace pe tuttu quiddru ca ne sta gliati
Ma stamu ancoraa quai, de quai nu ne limu mai sciuti!
chorus
Se nu te scierri mai delle radici ca tieni
Rispetti puru quiddre delli paisi lontani!
Se nu te scierri mai de du ede ca ieni
Dai chiu valore alla cultura ca tieni!
Simu salentini dellu munnu cittadini,
Radicati alli messapi cu li greci e bizantini,
Uniti intra stu stile osce cu li giammaicani,
Dimme mo de du ede ca sta bieni!
verse
E riu della terra a du nce sempre lu sule
A du la gente cerca umbra ca la po defrescare.
Stae scrittu sulle petre quiddru ca aggiu capire
Su parole antiche percé l'uomu nu po cangiare!
Memoria ede cultura e bede quistu ca ole:
Recorda ce ha successu cussì pueti capire
Lu boia denta vittima puru dopu menz'ura
Ma la vittima denta boia se nu tene cultura!
Su ste radici nui stamu ben radicati
Ni fannu amare populi mai canusciuti
Ni scosta de ci medita l'odiu e la guerra
Ma de sti criminali la mente mia nu se scerra!
verse
Treble Difendila!
Quannu poi difendila!
E' la terra toa, amala e difendila!
Ntorna moi, difendila!
Quannu poi difendila!
E' la terra toa, amala e difendila! De cine?
De ci ole cu specula e corrompe, difendila!
De ci ole sfrutta l'ignoranza, difendila!
De ci ole svende l'arte noscia, difendila!
De ci nu bole crisca ancora, difendila!
Pe ci nu tene chiù speranza
Pe ci ha rimastu senza forza, difendila!
Pe ci nu pote ma nci crite, difendila!
Pe ci nu te pote secutare, difendila!
verse
Egnu de lu salentu e quannu mpunnu parlu dialettu
E nu bete pecce ca l'Italianu nullu sacciu
Ca se buenu me recordu do parole de woolof africanu
Chep gen è lu risu cullu pisce ca se mangia culle manu
E "mu nu mu cu bbai" vuol dire nun ne pozzu fare a menu
E "man gi dem man gi dem" vuol dire sciamu moi sciamu
A du ete ca uei basta ca rispettu purtamu
E ca ne facimu rispettare pe quiddhri ca simu
Ca la cultura vera è cu sai itere
La realtà pe quiddhra ca ete sia ca è facile sia ca è difficile
La cultura vera è cu sai capire
Ci tene veramente besegnu ci ete lu chiu debole
verse
Me la difendu, stritta e forte cullu core
Quista è la poesia ca crea sta terra cull'amore.
Quiddra ca muti, tenenu modu te sentire
Grazie a ci la porta in giru oci a quai la po saggiare.
verse
E riu della terra a du nce sempre lu sule
E alla gente ca ria nci pensa sempre lu mare!
A quai stae scrittu sulle petre ce aggiu capire
Cercu cu te le spiegu, perché nu ta scerrare!
chorus
Treble Difendila!
Quannu poi difendila!
E' la terra toa, amala e difendila!
Ntorna moi, difendila!
Quannu poi difendila!
E' la terra toa, amala e difendila!
outro
Se nu te scierri mai delle radici ca tieni
Rispetti puru quiddre delli paisi lontani!
Se nu te scierri mai de du ede ca ieni
Dai chiu valore alla cultura ca tieni!
Simu salentini dellu munnu cittadini,
Radicati alli messapi cu li greci e bizantini,
Uniti intra stu stile osce cu li giammaicani,
Dimme mo de du ede ca sta bieni!
Writer(s): Federico Vaglio, Fabio Miglietta, Fernando Blasi, Antonio Salvatore Petrachi
Share
Contribute
To-do
Performers Tag
Identify who's singing what
Completed
Lyrics
Verified by Musixmatch
Structure Tag
Identify the song's sections
Credits
Show all credits
Contributions
Last edit almost 11 years ago
Show 24 contributors
Lontano
Album • 2003 • 15 tracks
Are you an artist? Distribute your lyrics!
Take full control of your lyrics. Curate, sync, and distribute your lyrics on Spotify, Apple Music, and more.
Explore Musixmatch Pro
🇮🇹 Made with love & passion in Italy 🌎 Enjoyed everywhere