verse
Hmm, 'di ako 'yung tipo na 'di kayang magtapat
Ngunit, bakit 'pag sa 'yo, tila 'di sapat?
Siguro ay mahirap lang isipin ang
Katotohanan na ako'y kaibigan lang
bridge
Marahil, ito'y tila lumang tugtugin
Oh, ngunit, ito'y (ngunit, ito'y) kay sarap awitin
La-la-la, la-la-la-la, panahon ay darating
La-la-la, la-la-la-la, masasabi ko ring (paupo naman sa may unahanan, may sasabihin lang ako)
bridge
Magandang umaga, kamahalan
Ikaw ay parang paborito kong ilarawan
'Di ko magawang pagsawaang pagmasdan
Ang tanging hiling, huwag mo munang pagsarhan
Puso ko'y nakangiti 'pag ika'y nand'yan
Sa taas ng talon, daig pa Pagsanjan
Tinatawag ko ang iyong pangalan
'Di mo lang naririnig, maraming nakaharang
bridge
Ako'y nag-aabang sa baba ng hagdan
Umaasang pagbaba mo, ikaw ay mahagkan
Kung ikaw ay pagsusulit, mahirap-hirap ang
Bawat katanungan, mangilan-ngilan lang
Ang pumapasa sa 'yo, itaga mo sa bato
Na pipilitin kong mapunan ang patlang
'Di ko man makuha ang tamang kasagutan
Kahit na hindi undas, ako'y magpaparamdam